នៅថ្ងៃសុក្រ១៥រោច ខែផល្គុន ឆ្នាំរកា នព្វស័កព.ស២៥៦១ ត្រូវថ្ងៃទី១៦ ខែមីនា ឆ្នាំ២០១៨វេលាម៉ោង២:៣០រសៀល នៅក្នុងទីធ្លាវត្តប្រជុំសាគរ ភូមិ១ក្រុមការថ្នាក់ជាតិចុះមូលដ្ឋានសង្កាត់ជ្រោយចង្វារ ក្រោមអធិបតីភាពឯកឧត្តម សួន ឈាងលី អនុរដ្ឋលេខាធិការក្រសួមហាផ្ទៃ និងអនុប្រធានក្រុមការងារចុះជួយខណ្ឌជ្រោយចង្វារ លោក លោកស្រី ក្រុមការងារចល័ត សមាជិក សមាជិកាក្រុមការងារចុះជួយសង្កាត់ បានរៀបចំវេទិកាសាធារណៈជាមួយប្រជាពលរដ្ឋក្នុងភូមិ១និងភូមិ២ចំនួន២៥៥នាក់។
បញ្ហាដែលលើកឡើងរបស់ប្រជាពលរដ្ឋរួមមាន :
១ ស្នើសុំដាក់លូនៅពេទសត្វក្រុម១៣ ភូមិ១
២ បញ្ហាសំរាមនៅជិតមណ្ឌលសុខភាពជ្រោយចង្វារ
៣ បញ្ហាគ្រឿងញៀននៅអាគារបាស្ទ័រ វិហារឯករង្សី ភូមិ១
៤ បញ្ហាម្ចាស់អាជីវកម្មធ្វើលួសសំណាស់បង្កសំលេងរំខាន ភូមិ២
៥ បញ្ហាម្ចាស់អាជីវកម្មផលិតចាហួយដែលបង្ហុយផ្សែងពុល រំខានដល់អ្នកជិតខាង ភូមិ២
៦ ស្នើសុំធ្វើផ្លូវ១ខ្សែរនៅក្រោយបឋមសិក្សាជ្រោយចង្វារ ភូមិ២
៧ បញ្ហាស្នើសុំប្តូរសៀវភៅស្នាក់ និងគ្រួសារពីខណ្ឌឬស្សីកែវ មកខណ្ឌជ្រោយចង្វារ
៨ ស្នើសុំចំណតទូករបស់បងប្អូនខ្មែរ ឥស្លាមនៅមុខវិហារឯករង្សីភូមិ១។
ក្រោយពីបានស្តាប់នូវបញ្ហាទាំងខាងលើរួចមកលោកម៉ៅ ប៊ុនថាចៅសង្កាត់ជ្រោយចង្វារ និងលោក ស៊ុន កាន់ណារ៉េត អធិការងខណ្ឌជ្រោយចង្វារ បានធ្វើការឆ្លើយបំភ្លឺបញ្ហាដែលប្រជាពលរដ្ឋលើកឡើងបានមួយចំនួន នឹងបញ្ហាដែលសេសសល់លោកប្រធានអង្គប្រជុំស្នើអោយអាជ្ញាធរពាក់ពន្ធត្រូវខិតខំដោះស្រាយជូនប្រពលរដ្ឋអោយទាន់ពេលវេលា និងបំភ្លឺនៅវេទិកាលើកក្រោយ។
